Hyfforddiant
Celfyddydau Anabledd Cymru yw'r unig sefydliad yng Nghymru sy'n darparu Hyfforddiant Cydraddoldeb Anabledd (HCA) yn benodol i ddarparwyr celfyddydol.
Rydym wedi bod yn arwain HCA yng Nghymru ers 1993. Yn awr mae gennym dîm o hyfforddwyr cydraddoldeb. Mae'nt i gyd yn bobl anabl sy'n gysylltiedig â'r celfyddydau.
Fe fydd sefydliadau a hyfforddwyd yn gallu:
- arddangos cydnabyddiaeth o'u hatebolrwydd i bobl anabl
- deall goblygiadau Deddf Anffafrio Anabledd (Disability Discrimination Act), a'i pherthnasedd i ddarpariaeth celfyddydau yng Nghymru
- dyfeisio fformat priodol a real ar gyfer cynllunio gweithredu effeithiol
- gweithio tuag at at ymarfer gorau o ran cynhwysedd a hygyrchedd
Mae'r hyfforddiant yn trafod y materion canlynol:
- Rhwystrau corfforol ac agweddol
- Iaith
- Deddf Anffafrio Anabledd
- Celfyddydau Anabledd / Diwylliant Pobl Anabl
- Dod i gysylltiad â chynulleidfaeodd anabl
- Gweithio gyda artistiaid anabl
Hyfforddiant arall a roddir gan Gelfyddydau Anabledd Cymru:
- Cyrsiau ar gyfer artistiaid / arweinwyr gweithdai sy'n dymuno gwneud eu gwaith yn hygyrch i bobl anabl
- Cyrsiau ar gyfer staff 'o flaen y ty', stiwardiau a gwirfoddolwyr.
Dyfeisir y cyrsiau hyfforddiant hyn yn benodol ar gyfer y sefydliad sy'n eu noddi. Cysylltwch â ni am fanylion pellach.
Mae ein cleientiaid wedi cynnwys:
- Cyngor Celfyddydau Cymru
- Canolfan Celfyddydau Chapter
- Dawns Gymuned Cymru
- Menter Diwylliannol
- Groundwork Cymru
- Museumland, Powys
- Amgueddfeydd ac Orielau Cenedlaethol Cymru
- Coleg Brenhinol Cerdd a Drama Cymru
- Cerdd Cyfan Cymru
- Canolfan Mileniwm Cymru
- Cytgord y Merched
- Celfyddydau Gwirfoddol Cymru
Dyma beth sydd gan bobl sydd wedi mynychu ein cyrsiau HCA i'w ddweud:
"Yn ogystal â bod yn addysgiadol, roedd y sesiwn hefyd yn gyfeillgar ac yn gynhwysol. Diolch."
"Roedd y diffiniad o anabledd wedi cael gwared o fy nghamdybiaethau."
"Bydd deall materion anabledd yn well yn fy ngalluogi i ddefnyddio fy syniadau yn ymarferol yn fy swydd."
"Sesiwn defnyddiol iawn. Ffordd da i hala diwrnod."
"Diwrnod ardderchog, wedi ei hwyluso yn gywrain ac yn graslon."
"Yn ddefnyddiol iawn i gymeryd rhan yn weithredol. Wedi mwynhau - diolch!"
Costau: Prisir ein cyrsiau hyfforddiant yn gystadleuol. Mae'n bosibl gwneud gostyngiadau ar gyfer grwpiau neu sefydliadau o bobl anabl, neu grwpiau ar lefel incwm isel.
Byddwn yn falch i drafod anghenion hyfforddiant eich sefydliad. Cysylltwch â swyddfa Celfyddydau Anabledd Cymru.
Ymgynghoriaeth
Mae Celfyddydau Anabledd Cymru yn darparu gwasanaeth ymgynghorol i sefydliadau celfyddydol ar faterion sy'n gysylltiedig at anabledd a'r celfyddydau.
Gall Ymgynghoriaeth Celfyddydau Anabledd gwmpasu'r materion canlynol:
- Datblygu polisi sy'n gysylltiedig ag anabledd
- Datblygu celfyddydau anabledd o fewn eich sefydliad
- Cyflogi pobl anabl yn y celfyddydau
- Marchnata a dod i gysylltiad â phobl anabl
Mae ein clientiaid wedi cynnwys:
- Cyngor Celfyddydau Cymru
- Coleg Brenhinol Cerdd a Drama Cymru
- Royal College of Organists
Cysylltwch â swyddfa Celfyddydau Anabledd Cymru am fwy o fanylion.
