Disgrifiadau Clywedol
Beth yw disgrifiadau clywedol?
Mae'r cyfleuster hwn yn helpu i wneud digwyddiadau gweledol yn hygyrch i bobl ddall a phobl a chanddynt nam ar eu golwg.
Mae disgrifiwr clywedol yn disgrifio gwisgoedd, golygfeydd, symudiadau, mynegiant ar wynebau ac ati mewn modd na fyddai ar gael i bobl fel arall. Gall y disgrifiwr eistedd yn y blwch goleuo neu o leiaf mewn man fydd yn ei alluogi i weld a chlywed y cynhyrchiad. Fel arfer caiff y wybodaeth ei chyfleu i'r sawl sy'n ddall neu a chanddo nam ar ei olwg drwy glustffonau isgoch.
Camau gweithredu
Os nad ydych wedi defnyddio disgrifiadau clywedol o'r blaen, ymgynghorwch â sefydliad sy'n gweithio gyda phobl ddall a phobl a chanddynt nam ar eu golwg, neu gyda Celfyddydau Anabledd Cymru.
- Cadarnhewch fod y digwyddiad yn briodol ar gyfer disgrifiad clywedol
- Cadarnhewch fod offer priodol ar gael yn y lleoliad
- Cofiwch gynnwys cyllideb ar gyfer disgrifiadau clywedol mewn ceisiadau am grantiau
- Pan fyddwch yn archebu gwasanaeth disgrifiwr clywedol cysylltwch â sefydliadau ar gyfer pobl ddall a phobl â nam ar eu golwg mewn da bryd; rhowch gymaint o wybodaeth â phosibl i'r sefydliad
Ar ôl archebu gwasanaeth disgrifiwr clywedol
- Gofynnwch a fydd angen iddo weld y cwmni yn perfformio ymlaen llaw
- Anfonwch fideo o'r perfformiad os oes un ar gael.
- Anfonwch wybodaeth lawn am y digwyddiad gan gynnwys:
- sgript, trawsysgrif o areithiau neu nodiadau siaradwyr
- trefn y digwyddiad neu'r agenda
- amserlen gydag amseroedd dechrau a gorffen
- cyfarwyddiadau a threfniadau parcio
- manylion cyswllt staff allweddol
- Dylech farchnata'r digwyddiad i bobl ddall a phobl a chanddynt nam ar eu golwg
- Rhowch enw'r disgrifiwr clywedol ar y rhaglen. Noder y dylai disgrifwyr clywedol gael eu rhestru ar wahân mewn cyfarfodydd a chynadleddau, ac ni ddylid eu cynnwys yn y rhestr cynadleddwyr
Trefniadau ymarferol yn y digwyddiad
- Dylech bennu person allweddol i fod yn gyfrifol am gyd-drafod gyda'r disgrifiwr clywedol yn ystod y digwyddiad
- Trafodwch y cyfleusterau sydd ar gael gyda'r disgrifiwr clywedol a'r technegydd
- Lluniaeth: Dylech gynnwys disgrifiwr clywedol pan fyddwch yn trefnu prydau a lluniaeth ar gyfer y cwmni a'r criw
Gwybodaeth Bellach
Gwefan Audio Description International
Gwefan Sefydliad Cenedlaethol Brenhinol Pobl Ddall
Gwefan cwmni Nationwide Audio Description
