Mae theatr ag isdeitlau yn gyfleuster cymharol newydd sy'n darparu isdeitlau ar gyfer perfformiadau byw.
Mae geiriau'r actorion a disgrifiadau o effeithiau sain yn ymddangos ar uned arddangos, sydd fel arfer ar ochr y llwyfan. Ar lwyfan mawr, efallai y bydd dwy uned arddangos, y naill ochr i'r llwyfan.
Caiff y sgript ei rhaglennu i offer penawdau gan isdeitlydd hyfforddedig, sy'n gweithio'n agos gyda'r tîm cynhyrchu cyn y sioe, ac sy'n gweithredu'r isdeitlau yn ystod y perfformiad.
Mae isdeitlo yn gwneud theatr yn hygyrch i lawer o bobl sydd wedi'u byddaru a phobl sy'n drwm eu clyw, ac mae ganddo'r potensial i ddenu cynulleidfa cwbl newydd i'r theatr.
Mae bellach yn bosibl i theatrau yng Nghymru logi unedau isdeitlo, ynghyd â gwasanaethau isdeitlydd hyfforddedig a phrofiadol. Noder fod gan theatr ag isdeitlau oblygiadau o ran marchnata, swyddfa docynnau a staff blaen y tŷ a dylent oll gael eu hyfforddi'n briodol cyn perfformiadau o'r fath.
I gael rhagor o wybodaeth cysylltwch â Chelfyddydau Anabledd Cymru, Ffôn / Minicom 029 2055 1040 neu post@dacymru.com.
