Yn unol â Deddf Gwahaniaethu ar sail Anabledd, mae dyletswydd ar bob darparwr gwasanaethau i archwilio a diwygio polisïau, gweithdrefnau ac arferion er mwyn atal gwahaniaethu yn erbyn pobl anabl. Bydd datblygu cynllun gweithredu yn helpu i nodi'r camau a fydd yn gwneud eich sefydliad yn fwy hygyrch.
Gall rhai gwelliannau gymryd cryn dipyn o amser, yn enwedig os bydd angen dod o hyd i gyllid, ond gellir cyflawni eraill yn hynod o rwydd heb fawr o gost neu heb ddim cost o gwbl.
Pwyntiau allweddol
Dilynwch strwythur tebyg ar gyfer pob adran
Bydd cynnwys materion i weithredu arnynt ym mhob cynllun yn dibynnu i raddau helaeth ar y math o wasanaeth celfyddydol sy'n cael ei ddarparu, maint y sefydliad a'i adnoddau. Ystyriwch y meysydd canlynol:
Ni ddylid newid natur y ddarpariaeth gelfyddydol o anghenraid, ond dylech ddangos cynlluniau ar gyfer newid a fydd yn galluogi pobl anabl i gael mynediad i'r gwasanaethau.
Gellir datblygu cynulleidfaoedd o bobl anabl mewn sawl ffordd. Ystyriwch newid amser rhaglennu, prosiectau newydd, partneriaethau, gwelliannau i fynediad...
Gall hyn fod yn lleoliad y sefydliad, teithiau neu ymweliadau, neu gall fod yn ganolfan gelfyddydau, theatr, ysgol, pabell, castell, cae, traeth ac ati. Nodwch welliannau angenrheidiol neu leoliadau gwahanol.
Adeilad cyfan, un ystafell, desg yng nghornel swyddfa sefydliad arall, gweithio o gartref.. Dim ots pa mor fawr neu fach, mae'n rhaid i bobl allu cael mynediad i'ch swyddfa neu fannau cyfarfod gwahanol.
Ffôn, e-bost, ffacs, gwefan, negeseuon testun, cyfeiriad. A yw'n bosibl cynnig mwy o ddulliau cyfathrebu? Ystyriwch gymorth cyfathrebu ar gyfer y rhai sy'n mynychu digwyddiadau a chyfarfodydd.
Dangoswch sut bydd eich sefydliad yn cyrraedd pobl anabl, drwy gynyddu mynediad i wybodaeth sydd wedi ei hargraffu, neu sicrhau bod fformat gwahanol ar gael.
Cynlluniau ar gyfer cael pobl anabl ar eich bwrdd, neu bwyllgor cynghori, gweithio mewn partneriaeth ar brosiectau, ymgynghori ar faterion anabledd.
Newidiadau wedi eu cynllunio i gynyddu mynediad o ran arferion cyflogi
Cynlluniau ar gyfer hyfforddi aelodau'r bwrdd, staff a gwirfoddolwyr mewn materion cydraddoldeb i bobl anabl neu hyfforddiant arall sy'n berthnasol i faterion anabledd.
Dangoswch sut yr ydych yn bwriadu monitro ac asesu datblygiadau'r cynllun gweithredu.
