Ymgynghori â phobl anabl ac ymgysylltu â hwy
Os ydych am gael pethau'n gywir ynglŷn â mynediad a chynhwysiant, yna mae cynnwys pobl anabl o'r dechrau'n hanfodol. Bydd hyn nid yn unig o gymorth mawr wrth gynllunio materion yn ymwneud â mynediad, ond gall edrych ar wasanaeth eich sefydliad o bersbectif pobl anabl ddechrau proses greadigol hollol newydd.
Un o'r pethau gorau y gallwch ei wneud yw ymgynghori â sefydliad neu grŵp sy'n cael ei arwain yn bennaf gan bobl anabl.
Gallech hefyd ofyn i gwsmeriaid rheolaidd sy'n bobl anabl a fyddai ganddynt ddiddordeb mewn bod yn rhan o ymgynghoriad.
Yn ogystal ag eistedd o amgylch y bwrdd yn trafod materion, mae ymgynghori hefyd yn golygu darganfod ffyrdd o ddatblygu cyfranogiad parhaol, er mwyn i bobl anabl allu cyfrannu'n ymarferol a chadarnhaol at ddatblygiad y sefydliad.
Pwyntiau gweithredu
Camau cynllunio
- Casglwch wybodaeth am sefydliadau a grwpiau addas o fewn eich dalgylch
- Gwiriwch eich rhestr cysylltiadau am bobl anabl sy'n mynychu eich digwyddiadau'n rheolaidd
- Cytunwch ar y ffordd fwyaf addas o gyfathrebu (e-bost, ffôn, llythyr neu gyfarfod)
- Siaradwch â chysylltiadau allweddol mewn sefydliadau perthnasol
- Cynigiwch dalu costau wrth ymgynghori â grwpiau gwirfoddol neu unigolion
Trefnu cyfarfodydd
- Gwiriwch anghenion mynediad pawb, e.e. mynediad i gadeiriau olwyn, lleoedd parcio, fformat y papurau/deunyddiau eraill, cymorth cyfathrebu, cymorth cynorthwy-ydd personol, anghenion deietegol
- Cytunwch ar fan cyfarfod gyda mynediad addas
- Cytunwch pwy fydd yn trefnu unrhyw gymorth cyfathrebu angenrheidiol neu gymorth cynorthwy-ydd personol
- Cadarnhewch beth yn union sydd ei angen cyn trefnu cymorth cyfathrebu / cynorthwy-ydd personol
- Sicrhewch fod y papurau mewn fformat y cytunwyd arno
- Anfonwch bapurau ymlaen llaw yn electronig neu fel y cytunwyd
Rhestr wirio o bwyntiau i'w trafod yn ystod y cyfarfod
Digwyddiadau
- Pa fath o ddigwyddiadau y mae pobl yn dueddol o'u mwynhau?
- Beth arall y byddai pobl yn debygol o fod â diddordeb ynddo?
- A oes lleoliad penodol y mae pobl yn ei ddefnyddio'n aml?
- Pa fath o ddigwyddiad cychwynnol fyddai'n debygol o weithio'n dda? ee prosiect gweithdy, cynnig arbennig ar brisiau tocynnau, taith o amgylch cefn y llwyfan, cyfarfod â'r artistiaid
Cymorth ar y cyd
- Sut y gellir cynnwys pobl anabl?
- A oes cyfle i'r ddau sefydliad/grŵp gydweithio? (gweler: Gweithio mewn Partneriaeth gyda Sefydliadau Pobl Anabl)
Amser
- Ar ba amseroedd/diwrnodau'r wythnos y byddai pobl fwyaf tebygol o fynychu?
Trafnidiaeth
- A oes gan y rhan fwyaf o bobl fynediad i'w trafnidiaeth eu hunain?
- A yw pobl yn ddibynnol ar drafnidiaeth gyhoeddus yn bennaf?
- A yw'r grŵp yn trefnu lifft/bws?
Cyhoeddusrwydd
- A oes unrhyw faterion penodol yn ymwneud â mynediad i gyhoeddusrwydd? ee math o brint a ffont, defnydd o ddelweddau, electronig neu bapur neu ar dâp
Cyfathrebu
- Sut y byddai pobl yn tueddu i gysylltu â'ch sefydliad er mwyn gwneud ymholiadau neu i archebu tocynnau? Ee Meddyliwch am y camau y byddai'n rhaid i bobl eu dilyn er mwyn archebu sedd â mynediad i gadair olwyn
- A oes angen cadw lle parcio hygyrch?
Ar ôl yr ymgynghoriad
Cadwch mewn cysylltiad; bydd help eich cysylltiadau yn hynod werthfawr ar gyfer denu cynulleidfaoedd newydd i'ch digwyddiadau.
Darllen Pellach
Involving Disabled People - mae Llywodraeth y DU wedi cynhyrchu canllawiau ar gyfer Cyrff Cyhoeddus sydd â chyfrifoldeb dros Ddyletswyddau Cydraddoldeb i Bobl Anabl, ond gall yr egwyddorion gael eu defnyddio gan unrhyw sefydliad sydd eisiau cynnwys pobl anabl. Ewch i'r wefan
